कांग्रेसको राजनीतिक समितिले सातै प्रदेशमा सुझाव संकलन गर्ने

३० कात्तिक, काठमाडौं । नेपाली कांग्रेसको राजनीतिक समितिले सातवटै प्रदेशमा सुझाव संकलन गर्ने भएको छ ।

समितिको शुक्रबार बसेको बैठकले मंसिर २ देखि ६ गतेसम्म सुझाव संकलन गर्ने निर्णय गरेको हो । चार स्थानमा गरिने कार्यक्रममा पार्टी सभापति शेरबहादुर देउवा स्वयंम उपस्थित हुनेछन् ।

महासमिति बैठकका लागि राजनीतिक प्रतिवेदन तयार पार्न बनेको समितिले संघीयता, धर्मनिरपेक्षता, समावेशिताका साथै सरकारको कामकारबाही र अन्य पार्टीलाई हेर्ने दृष्टिकोणबारे सुझाव लिने तयारी गरेको छ ।

मंसिर ७ गतेबाट भने समितिले राजनीतिक प्रतिवेदन लेखन थाल्ने निर्णय गरेको छ ।

from Online Khabar https://ift.tt/2K6WaSo
via IFTTT