५ पुस, काठमाडौं । सिमेन्ट उत्पादक कम्पनी शिवम् सिमेन्ट्स लिमिटेडले आफ्ना ग्राहकहरुलाई लक्षित गरी ‘लक्ष्मी हातमा, देव दर्शन शिवमका साथमा’ नामक नयाँ योजना ल्याएको छ ।
विगतका वर्षमा जस्तै यस वर्ष पनि लागू गरिएको यो योजना सिमित अवधिका लागि भएको कम्पनीले जनाएको छ । योजना अन्तर्गत प्रत्येक १० बोराको खरिदमा ग्राहकले एउटा कुपन प्राप्त गर्ने कम्पनी बताउँछ ।
कम्पनीका अनुसार उक्त कुपन स्क्र्याच गरी ग्राहकले २.५ ग्राम देखि १० ग्राम सुनको सिक्का वा रु. १०० देखि रु. १००० सम्मको नगद पुरस्कार पाउनेछन् । कुपन स्क्र्याच गर्दा नगद पुरस्कार परेमा तत्कालै वितरकले प्रदान गर्ने कम्पनीद्वारा विज्ञप्तिमा उल्लेख छ ।
कुपनमा सुनको सिक्का परेमा भने ९८०१११४६५८ मा सम्पर्क गरेर नजिकको वितरक वा शिवम् सिमेन्टको शाखा कार्यालयबाट प्राप्त गर्न सकिने जानकारी कम्पनीले दिएको छ ।
यस्तै गोसाईकुण्ड हेलिकप्टर यात्राको लागि कुपनको अर्घकट्टीमा आˆनो नाम, ठेगाना र मोबाइल नम्बर स्पष्ट रुपमा लेखि लक्की-ड्र बक्समा हाल्नु पर्ने भनिएको छ ।
संकलित कुपनहरुलाई राष्ट्रिय टेलिभिजनबाट प्रत्यक्ष प्रसारण मार्फत लक्की-ड्र गरेर विजेताहरु चयन गर्ने र विजेताहरुको हकमा कुपनमा उल्लेखित मोबाइल नम्बरलाई मात्र मान्यता दिईने तथा उक्त मोबाइल नम्बर बाहकलाई मात्र पुरस्कार प्रदान गरिने विज्ञप्तिमा उल्लेख छ ।
‘नो कम्प्रोमाइज’को नारा सहित विभिन्न क्षेत्रहरु जस्तै शिक्षा, स्वास्थ्य, खेलकुद, यातायात, वातावरण व्यवस्थापन एवम् वृक्षारोपण, सरसफाई, मनोरञ्जन जस्तो क्षेत्रमा विभिन्न कार्यक्रमहरु गर्दै कम्पनी बताउँछ ।
from Online Khabar https://ift.tt/2LrEiSP
via IFTTT
No comments:
Post a Comment