२४ माघ, काठमाडौं । नेपाली राष्ट्रिय क्रिकेट टिमका मुख्य प्रशिक्षक जगत टमाटालाई कैलालीको टीकापुर नगरपालिकाले नगदसहित सम्मान गरेको छ ।
टीकापुर नगरपालिकाले प्रशिक्षक टमाटालाई आज (बिहीबार) ५१ हजार नगदसहित सम्मान गरेको हो । टमाटालाई मेयर तपेन्द्रबहादुर रावल र सुदूरपश्चिम प्रदेशका कांग्रेस संसदीय दलका नेता डाक्टर रणबहादुर रावलले सम्मानसहित नगद हस्तान्तरण गरेका हुन् ।
नेपाललाई एकदिवसीय अन्तर्राष्ट्रिय मान्यता दिलाउन महत्वपूर्ण भूमिका निर्वाह गरेका टमाटाले केही दिनअघि मात्रै सम्पन्न यूएईविरुद्धको दुबै सिरिज जिताउन उतिकै योगदान दिएका थिए । नेपालले यूएईविरुद्ध एकदिवसीय सिरिजमा २-१ ले र टी-२० क्रिकेट सिरिजमा पनि २-१ ले नै सिरिज जितेको थियो ।
मुख्य प्रशिक्षक टमाटा टीकापुरकै बासिन्दा हुन् ।
from Online Khabar http://bit.ly/2RNqbc0
via IFTTT
No comments:
Post a Comment