खण्डग्रास चन्द्रग्रहणः कुन राशीलाई कस्तो असर ?

सबै ग्रहहरु निरन्तर आफ्नो दिसा र गतिमा घुमिरहेको हुन्छ । यही क्रममा जब चन्द्रमा र पृथ्वीको बीचमा राहु र केतु आइपुग्छ, त्यसको कालो धब्बा पृथ्वीमा पर्छ । ग्रहरुको यस अवस्थितीलाई हामी खण्डग्रास चन्द्रग्रहण भन्छौं ।

खण्डग्रास चन्द्रग्रहणमा के गर्ने, के नगर्ने भन्ने कुरा गर्दा कतिपयलाई यो अन्धविश्वास जस्तो लाग्छ । तर, चन्द्रमामा राहु र केतुको जुन छायाँ ग्रह पर्छ, त्यसबाट उत्पन्न नकारात्मक उर्जाले पृथ्वीका प्राणी मात्र होइन, चराचर जगतलाई नै असर पार्छ । यो असर पनि ग्रह अनुसार फरक हुन्छ ।

यसपाली खण्डग्रस चन्द्रगहण राती एक बजेर ४६ मिनेटबाट सुरु हुनेछ । तीन बजेर पन्ध्र मिनेटमा मध्य हुनेछ । यो अवस्था ४ बजेर ४५ मिनेटसम्म कायम रहनेछ । अर्थात कुल अवधी २ घण्टा ५९ मिनेट चन्द्रग्रहण लाग्नेछ ।

के गर्ने, के नगर्ने ?

चन्द्र ग्रहण लागेको बेला के गर्ने, के नगर्ने भन्ने कुरामा ध्यान दिनुपर्छ । चन्द्रग्रहण लाग्ने रातको अघिल्लो दिन अपराहन्न ४ बजेर ४६ मिनेटपछि भोजन गर्न निषेध छ । मन्दिर जाने, पूजापाठ गर्ने काम पनि रोक्नुपर्छ ।

बालक, बृद्धबृद्धा, औषधी सेवन गर्नुपर्ने अवस्था बाहेकका व्यक्तिले खानेकुरा सेवन गर्नु हुँदैन । चन्द्रग्रहणको बेला सुत्नु हुँदैन ।

के हुन्छ ?

निद्रयां जायते व्याधि, मुत्रे दारिद्रमाप्नुयात् । पुरिषे कृमियोनिश्च मैथुने ग्रामसुकर । अभ्यन्जने भवेत्कृष्ठि भोजने स्यादधोगति । बन्धने च भवेत सर्प बधे च नरक व्रजेत ।

यो अवस्थामा सुतियो भने रोग व्याधी उत्पन्न हुन्छ । शौच गरियो भने दरिद्रता हुन्छ । यौन सम्पर्क गरियो भने गाउँको सुँगुर बराबर हुन्छ । भोजन गरियो भने अद्योगतिमा लागिन्छ । यी आदि कार्य गरियो भने नरकको बन्धनमा परिन्छ ।

कसलाई राम्रो ?

यसले चार वटा राशीलाई राम्रो छ ।

कर्कट सुख प्राप्ति

तुला श्री प्राप्ति

कुम्भ लाभ

मिन सुखम्

कसलाई हानी ?

धनु र मकरलाई यी दुई रासी वीच ग्रहण लाग्ने भएकाले विशेष गरेर धनु र मकर राशीका व्यक्तिले भोजन नगर्ने । सयन नगर्ने । ओम सोम सोमाय नमः ओम नमो भगवते बासुदेवाय । मन्त्रोच्चरण गर्ने । ग्रहण पछि अर्थात भोलिपल्ट सेतो चिज दान दिनुपर्छ ।

from Online Khabar https://ift.tt/32s8a9R
via IFTTT