कोसीको बाढी खतराको तहभन्दा माथि, ब्यारेजको नियमित अनुगमन गर्न सुझाव

२८ असार, काठमाडौं । सप्तकोसी नदीमा आएको बाढीले खतरा तह पार गरेको छ ।

मौसमविज्ञान विभागअन्तर्गतको बाढी सूचना केन्द्रले स्थानीय प्रशासनको समन्वयमा कोसीको तटबन्ध र ब्यारेजको नियमित अनुगमन जरुरी रहेको औंल्याएको छ ।

सप्तकोसीमा बाढीको बहाव २ लाख २८ हजार २०५ क्यूसेक मापन गरिएको छ । पानीको निकासका लागि ३० वटा ढोका खोलिएको छ ।

#VeryHighAlert!
2076-3-28, विहान ९ बजे
सप्तकोसी नदी चतरामा जलसतहले #खतरा तह पार गर्यो। भोली सम्मै अति उच्च सावधानी जरुरी।
उक्त क्षेत्रका सवै सर्वसाधारणलाई SMS पठाइसकिएको छ।
स्थानिय प्रसासनको समन्वयमा कोसीको तटबन्ध र व्यारेज नियमित अनुगमन जरुरी।@NEOCOfficial @Hello_Sarkar pic.twitter.com/ziD8MZj05D

— Nepal Flood Alert! नेपाल बाढी सूचना! (@DHM_FloodEWS) July 13, 2019

खतराको संकेत स्वरुप रातो बत्ती बालिएको छ भने सजग रहन भन्दै सबै क्षेत्रका बासिन्दालाई एसएमएसमार्फत् सूचना पठाइएको छ ।

सो क्षेत्रमा आइतबारसम्मै ‘अति उच्च सावधानी’ जरुरी रहेको केन्द्रले बताएको छ ।

बाढी सूचना केन्द्रका अनुसार सप्तकोसीको चतरा, सुनकोसी नदीको हम्पाचौर, तमोर नदीको त्रिवेणी र वागमती नदीको राई गाउा केन्द्रमा बाढीले खतराको तह पार गरेको छ ।

from Online Khabar https://ift.tt/2LlYqIL
via IFTTT